Tulai thusak tuatuam
Anlun khua mi Tonzang B.O.C veng a teeng (Pu Lian
Cin Kham) angkawi, Nu Niieng Zam Cing, (Tg Thang Suan Lian Khup), Pa
Khup Za Mung'te tunnu Pi Niang Za No (Kum-73) pen Tonzang khuagal lam
Leitawtan ngeilam ah Lo behkhat nei a, 3/3/2010 (Wed) ni in lokuan in
sun tawntung gamsung hi ta leh khuasung hita leh huisi laang in, a ma
pen gam kihal mei ka in nungdel in, katum a, aluang pen nitak lam in
kimu in kuanma'n en ngamlo in, kamsiat tuahsiat lak ah zong a
hamsia deuhdeuh ciding ahihi..
Kum-73 pha in lo kuan lailai ci pen a nek a dawn
ding omlo a vak ding omlo man a hihi, ...tua thu a sim
khate in Nu/pa ci ding i neilai sungin hoih takin vakleh kumtam khin sa inu/pa
te na semsak nawnlo aa,ngawlvak ding kilawm leh ihih ding thu ongphawk sak hi.
By;sianlian
HUIHPI KHAUH PAI THEI DING KI UMMAWH
Kawlgam sungah tukha akipan April kha sung kikal ah nai khat tai(Miles 120) thahat huih leh guah kithuah in khauhpai kha thei ding hi. A diakdiak in Sagaing Division leilu lam, Kachin Sate leiulu lam, Mon State, Tahninthari Division, Shan State leh Delta region tengah pingpei leh guah kithuah in gial zong
Hih huihpi pen a zaina taikhat val (One and half Mile), a sauna tai 5-10 kikal sau dinga, nai lang sung sawt thei ding ci hi. Tulaitak in Kawlgam leitaw lamteng ah a ngeina sangin khualum zaw a, leilu lamah a ngeina sangin vot zaw zel hi. Delta region lamah khuazin Tembaw/ gunkuangpite khempeuh thuneite in hilhkholhna thupia khin ta uh hi. Hih huihpi nawkna munte ah Singkungte kibullot dinga, inn khum singakngte kilemkhia mang ding ci hi. Sagaing Division leilu lam teng ahih leh Zomite khuapi Kawlpi zong kihel kha thei ahih manin thungetna ah mapang kholkhol ni.
Report by- Tongsan Media Groups
Thupulakna : Executive Council panmunlen kiteelna kibawlzo
1. Leitungbup Zomi Innkuan Kipawlna (LZI), Board of Trustees pawl’ thupiakna bangin, Kiteel Tanupawl in Executive Council (EC) panmunlen kiteelna tawh kisai thu leh la khempeuh vaihawm a, Feb.3, 2010 ni pan Feb.19, 2010 ni kikaal sungin kiteelna kibawl hi.
2. LZI kipawlna Bylaws sung a om bangin, LZI in ahuam kipawlna khempeuh panin LZI EC panmunlen kiteelna atuh dingin kipawlna khatciat panin mimal atam pen (7) ciang, amuan huai Makai Kuanglui-te (EC Candidates) minte kaihkhopna, Jan.24, 2010 ni pan Feb.2, 1010 ni kikaal sung kibawl hi.
3. LZI EC panmunlen kiteelna sung a teel theih ding EC Candidate-te sung ah, LZI kipawlna in ahuam kipawlna tuamtuam pan ahong kipuak EC Candidate-te ban-ah, kipawlna tuamtuam pan mipi in muanna tawh ateel President leh Secretary panmunlen khempeuh, leh LZI kipawlna phuhzawhna dingin ma apan masa Board of Trustees pawl panmunlen khempeuhte minte kikhum hi.
4. LZI EC panmunlen kiteelna sung ah Board of Trustees pawl panmunlen khempeuh leh LZI kipawlna in ahuam kipawlna khempeuh pan President leh Secretary a kihel in palai/tangmi (5)-ta in Vote a khia thei (Voters) dingin kiseh a, kiteelni lapin Vote khia dingte’ Email Address khempeuh kikaikhawm hi.
5. Kiteelna pen Online Secretary Voting System kizang a, EC Candidate teng sung panin makai (15), Voters tengin teelkhia masa hi.
6. Teelcing makai (15) tengin, amau sung pan President, General Secretary leh Treasurer panmunte a len ding makaite teelkhia uhhi.
7. Teelcing LZI EC makai panmunlente anuai a bang ahi hi.
(i) President : Dr. Chin Do Kham (Jenks, Oklahoma, USA)
(ii) General Secretary : Pa Go Sawm Khup (Tulsa, Oklahoma, USA)
(iii) Treasurer : Pa Pau Khan Khup (Singapore, Singapore)
(iv) Member : Pa Hang Khan Lian (Singapore, Singapore)
(v) Member : Pa Vung Lian Mang (Tulsa, Oklahoma, USA)
(vi) Member : Siama Cing Pum Neam (Munoz, Philippines)
(vii) Member : Pa Do Khan Khup (New York City, New York, USA)
(viii) Member : Dr. Howard Chin Khen Mang (Tulsa, Oklahoma, USA)
(ix) Member : Pa Kipp Kho Lian (Hamburg, Germany)
(x) Member : Anthony Gin Khan Lian (Frankfurt, Germany)
(xi) Member : Pa Gin Mang (Calgary, Alberta, Canada)
(xii) Member : John Thang Sian Mung (London, UK)
(xiii) Member : Rev. Zam King Mang (Portland, Oregon, USA)
(xiv) Member : Pa Khen Za Muan Thang (Esbjerg, Denmark)
(xv) Member : Pa Disciple Kap Sian (Kuala Lumpur, Malaysia)
8. Kiteel Tanupawl in LZI EC panmunlen kiteelna lawhcing takin bawlzo ahih manin, teelcing LZI EC Makaite min teng leh maban khempeuh Board of Trustees pawl tung ah apkik hi.
9. LZI Board of Trustees pawl in teelcing LZI EC panmunlente tung ah LZI kipawlna tawh kisai thuneihna leh maban khempeuh apna hun khat hong vaihawm ding uhhi.
Kiteel Tanupawl,
Leitungbup Zomi Innkuan Kipawlna
February 20, 2010. Tulsa, OK, U.S.A.
By;sianlian
Photo Gallery: Homepage
